Asia

Peta ni banua Asia

Asia(Surat Batak: ᯀᯘᯪᯀ) i ma banua na umbalga jala na marragam di portibi. Bidang ni banua Asia, 44,579,000 km² (17,212,000 mil persegi). Adong 4,560,667,108 (di taon 2018) do jolma na tading di banua Asia. Banua Asia i ma inganan hatutubu ni ugamo-ugamo na adong di portibi on, songon Kristen, Silom, Jahudi, Buddha, Hindu jala ugamo na asingna.

Batas ni banua Asia

Asia dohot Aprika

Batas ni banua Asia dohot banua Aprika i ma Laut Teberau, Londut Suez dohot Talian Aek Suez. I do na mambahen Misir gabe sada nagara transkontinental na tardiri sian Tanjung Sinai di bagian banua Asia dohot saluhut luat ni Misir na adong di banua Aprika.

Asia dohot Eropa

Batas ni banua Asia dohot banua Eropa i ma Pardolokan Ural, Pardolokan Kaukasus dohot laut gonting na maringanan di Turki i ma Laut Gonting Bosporus dohot Laut Gonting Darnadella. Adong do pe tolu laut na gabe batas ni banua Asia dohot banua Eropa i ma Laut Birong, Laut Marmara dohot Laut Aegea.

Asia dohot Oseania

Batas ni banua Asia dohot Oseania i ma di sada inganan na adong di hapuloan Malaya. Ia do hapuloan Maluku tinandahon gabe garis batas ni Asia dohot Oseania.

Etimologi

Peta ni banua Asia binahen Ptolemaus

Hata "Asia" tarsundut sian peradaban Junani, i ma sian hata Ἀσία ('Asía). Di turiturian ni Junani, Asia i do boru ni Oceanus dohot Tethys.

Hata Inggeris ni "Asia" i ma tarsundut sian literatur Latin, ia do "Asia" jinadihon sada luat di bagasan Harajaon Romawi. Luat nian maringanan di bagian pastima ni Anatolia (na saonari gabe luat ni Turki) Adong pe sada siguriton sian Romawi na mamparhaseanghon Asia gabe goar ni saluhut banua i ma Plinius.

Nagara

• India
• Indonesia
• Israel
• Japang
• Korea Dangsina
• Korea Utara
• Kyzyl
• Salekhard
• Sina
• Tao Baikal
• Ulan-Ude
• Yakutsk