Huria Kristen Batak Protestan
Huria Kristen Batak Protestan (HKBP) i ma sada huria Protestan na umbalga di sandok Asia Anggoni. Jongjong ditanggal 7 Oktober 1861 na markantor di Pearaja, Tarutung, Sumatera Utara. Ephorus na parjolo i ma Pandita Dr. Ingwer Ludwig Nommensen na somal ginoaran Apostel Batak. Sahat tu tingki on ruas ni HKBP hirahira tolu juta toropna na marserak di sandok Indonesia dohot di pigapiga luat di nagara na asing.
HKBP niuluhon Ephorus na dijou dohot goargoar ompu i, niurupan Sekretaris Jenderal dohot tolu Kepala Departemen i ma Departemen Koinonia, Departemen Marturia dohot Kepala Departemen Marturia na pinillit ni Sinode Godang.
Pangantusion[patota | patota mualna]
Huria i ma Huria Protestan na umbalga di bagasan ganup halak Batak, dohot Huria Protestan na umbalga di Indonesia jala dang pola talu godang ni ruasna sian organisasi ugamo Silom (Nahdlatul Ulama dohot Muhammadiyah). Huria on tubu jala mangodang sian parbarita Nauli sian RMG (Rheinische Missions-Gesselschaft) sian Jerman jala tubu di tanggal 7 Oktober 1861.