Ludwig Ingwer Nommensen

Sian Wikipedia
Ludwig Ingwer Nommensen

Ludwig Ingwer Nommensen manang Nommensen (molo di halak Batak Toba ditanda Ingwer Ludwig Nommensen manang I.L. Nommensen), tubu di Nordstrand, Denmark (saonari naung masuk tu nagara Jerman) 6 Pebruari 1834, monding tanggal 23 Mei 1918 di Sigumpar, Toba) ima sada parbarita dohot pandita namangajari halak Batak Toba ugamo Kristen Protestan di Sumatera Utara.[1] Nommensen ma goar na lumobi ditanda halak Batak, ro na sian Jerman, alai lobi ditanda di Indonesia.[1] Nasida ma namambaritahon hata nadenggan tu halak Batak Toba, jala sian ima tubu sada Huria Protestan, sada punguan halak Kristen naumbalga di Indonesia, Huria Kristen Batak Protestan (HKBP).[1]

Jujur Ngolu[patota | patota mualna]

Tingki Dakdanak[patota | patota mualna]

Nommensen tubu di pulo Noordstrand bagian ni Schleswig, ditingki i pulo on masuk tu luat ni nagara Denmark, sonari naung masuk tu nagara Jerman.[1] Boi didok molo tondong ni Nommensen dang halak namora, alani i parngoluan ni nasida bahat dipardangolan alani hapogosan ni natua-tuana.[1][2][3] Dung i muse gabe sada dalan, si Nommensen dohot mangurupi natua-tuana mangalului hepeng.[1][2] Diumur na 7 taon, dohot ma Nommensen gabe parmahan angsa.[4] Dung i, diumurna 8 taon, gabe parmahan birubiru ma nasida.[1][4] Umur 9 taon, marsiajar ma nasida paturehon tarup ni jabu.[1][4] Dung marumur 10 taon, karejoma nasida gabe parhauma, sambing marsiajar mangula tano.[3] Angkup ni i, naside muse karejo manarik hoda, mambajak saba, ampuna ni angka parhauma di huta ni si Nommensen.[3]

Marumur ma nasida 12 taon, tingki ditaon 1846, roma parmaraan tu nasida.[1][3] Tingki marmeam marsikojaran dohot dongan-donganna, ro ma kareta hoda manombom dohot manggilas pat ni nasida, gabe suak ma pat nai. Alani parmaraan i, tarbaring ma nasida di podoman, marbulan-bulan lelengna.[1] Tingki diparsahitan i, martangiang ma ibana tu Tuhan, dipangido si Nommensen parmaluman, jala marpadanma ibana, molo malum sian parsahitan, borhat ma ia mambaritahon Barita na uli tu angka jolma nasoporsea tu Kristen.[1] Malum ma sahit ni ibana, alai monding ma amongna, gabe parhauma muse nasida mangurupi tondongna sajabu mangalului hepeng.[5]

Singkola Pandita[patota | patota mualna]

Patung Nommensen di Tarutung, Tapanuli Utara, Sumatra Utara

Dung marumur 20 taon, masuk ma si Nommensen tu singkola pandita di Barmen (sonari margoar Wuppertal).[1][6] Singkola ma nasida di zending Lutheran Rheinische Missionsgesellschaft (RMG), opat taonma lelengna sahat tu tammat parsingkolaan na.[1][6] Dung i, ditabalhon ma nasida gabe pandita taon 1861.[1] Mandapot turgas ma ibana sian RMG asa lao tu Sumatera gabe parbarita na uli, sahat ma nasida di Sumatera tanggal 14 Mei 1862, topetna di Kota Padang, Sumatera Pastima.[1]

Dung i, borhat ma nasida parjolo tu Barus mangido ijin tu Bolanda tingki naung adong di Indonesia, asa dipaloas nasida lao tu Toba.[6] Hapeng pamarenta kolonial tingki i dang paloas ibana lao, alasanna dang denggan suasana molo lao ibana tu Toba.[7]Alani dang dipaloas lao tu Toba, mardomu ma nasida dohot angka pandita naasing, ima parbarita na uli Pdt. Heyni dohot Pdt. Klammer, tingki i nungga marhalado di luat Sipirok.[7] Dung i, mardos ni roha ma nasida dohot halaki asa dibagi halaki luat nanaeng dihaladoi, dipangido si Nommensen ma asa boi nasida lao tu Silindung.

Hamateon[patota | patota mualna]

Nommensen monding tanggal 23 Mei 1918, diumur 84 taon.[1] Nommensen dikuburhon di Sigumpar, kabupaten Toba, di tonga-tonga ni halak Batak. 57 taon ma lelengna nasida mambaritahon barita na uli tu halak Batak di tano Batak.[1]

Bibliograpi[patota | patota mualna]

  • 1877, The Gospel according to Saint John: Translated out of the Original Greek into Batta (Toba), the Language of the Batta in the Island of Sumatra. Elberfeld: Friderichs & Comp.
  • 1877, Tobasch Spelboekje, Batavia: 's Landsdrukkerij.
  • 1878, The New Testament of our Lord and Saviour Jesus Christ: Translated out of the original Greek into Batta (Toba), the language of the Batta in the island of Sumatra. Elberfeld: R. L. Friderichs & Comp,
  • 1885, Tobasch Spelboekje, Elberfeld: R.L. Friderichs & Comp.
  • 1886, Djamita sian Hata ni Debata na di Padan na Robi, Elberfeld: R.L. Friderichs & Comp.
  • 1908, Jamita sian hata ni Debata na di padan na robi, Elberfeld: R.L. Friderichs & Comp.

Pustaha[patota | patota mualna]

  1. ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 1.14 1.15 1.16 F.D. Willem. 1987. Riwayat Hidup Singkat Tokoh-Tokoh Dalam Sejarah Gereja. Jakarta: BPK Gunung Mulia. alaman 198-199, 7 September 2021
  2. ↑ 2.0 2.1 Jan Sihar Aritonang, Karel Steenbrink. 2008. A History of Christianity in Indonesia. Leiden: Koninklijke Brill. alaman 535. 7 September 2021
  3. ↑ 3.0 3.1 3.2 3.3 J.T. Nommensen. 1974. Ompu i Dr. Ingwer Ludwig Nommensen. Jakarta: BPK Gunung Mulia. alaman 9. 7 September 2021
  4. ↑ 4.0 4.1 4.2 Uli Kozok. 2010. Utusan Damai di Kemelut Perang: Perang Zending dalam Perang Toba. Jakarta: Yayasan Pustaka Obor Indonesia. alaman 35, 38, 92, 123. 7 September 2021
  5. ↑ Schreiner, Lothar "Nommensen in Selbstzeugnissen: unveröffentlichte Aufsätze, Entwürfe, und Dokumente eingeleitet, erklärt, und herausgegeben von Lothar Schreiner". Verlag an der Lottbek in Ammersbek. 1996. ISBN 3-86130-041-9, 7 September 2021
  6. ↑ 6.0 6.1 6.2 Th. van den End. 1993. Ragi Carita 2. Jakarta: BPK Gunung Mulia. Hlm. 175, 177 7 September 2021
  7. ↑ 7.0 7.1 Jan S. Aritonang. 1988. Sejarah Pendidikan Kristen Di Tanah Batak. Jakarta: BPK Gunung Mulia. Hlm. 148,149,150, 157.
Dijalo sian "https://bbc.wikipedia.org/w/index.php?title=Ludwig_Ingwer_Nommensen&oldid=9166"