Ida Laura Pfeiffer

Ida Laura Pfeiffer (tubu 14 Oktober 1797 di Wina – monding 27 Oktober 1858 di Wina), née Reyer, i ma sada halak paredangedang (hata Indonesia: penjelajah) portibi dohot panurat (hata Indonesia: penulis) na ro sian bangso Austria. Si Ida Laura ma muse sada boruboru parjolo na mangulahon pardalanan manghaliangi bahat bangso di saganop portibi on. Dihoranghorang taon 1852 tu 1953, sahat ma nasida tu Tao Toba. Disurat ibana sude pardalanani dibuku na, i ma marjudul " A Lady's Second Journey Round the World: From London to the Cape of Good Hope, Borneo, Java, Sumatra, Celebes, Ceram, the Moluccas, Etc., California, Panama, Peru, Ecuador, and the United States, Volume 1 ".^[1]

Hangoluanna parjolo

Ida Laura tubu di kota Wina sian kaluraga na mora, goar ni ama ni nasida i ma si Reyer. Di tingki dakdanak, si Laura humsumanan mamangke baju ni bawa, dung i muse, hobi ni ibana i ma marolahraga, mangihuthon amanta ni nasida. Taon 1802, tingki marumur 5 taon, dohot ma si Ida mangihut amana si Reyer tu Palestina dohot Misir, jala on ma pardalanan parjolo ni ibana manghaliangi angka bangso di portibi on. Dung i, tingki marumur 9 taon, monding ma amani si Ida, Reyer. Hape inang ni nasida dang malehon ibana marparange halak bawa, gabe disuru ma si Laura asa boi mamangke baju ni dadaboru.

Topet tanggal 1 Mei 1820, Ida Laura muli dohot Dr. Mark Anton Pfeiffer, sada pangondian (Indonesia: pengacara) di kota Lemberg (saonari gabe kota Lviv, Ukraina) na adong hubunganna dohot pamarinta Austria. Dr. Pfeiffer sada duda jala nga adong sada ankna bawa, 24 taon umurna lobi untobangan sian si Ida. Dung i, Dr. Pfeiffer adong godang na marhosom roha, alani parkarejoanna mambukka angka kasus korupsi di Galisia, Austria. Alani ni i, si Pfeiffer gabe dipaksa mundur sian parkarejoanna dohot maol muse malului karejo na suman tu nasida. Parmantak ni sian parkarejoan, gabe maol ma parhepengon kaluarga ni ia dipaksa mundur jala maol mangalului karejo naimbaru. Asa boi mangganupi parhepengon, gabe karejo ma si Ida mangajar seni lukis dohot musik. Taon 1931, mondingma inong ni si Laura, dipatadingma saotik pustaka (Indonesia: warisan), sian i ma dibahen si Laura laos manggaji guru tu pasingkolhan dua dakdanak ni nasida. Taon 1938, mondingma amangamang na, Dr. Mark Anton Pfeiffer.

Pardalanan ni Laura

Dung sude anakkonna adong jabuna be, Ida Pfeiffer naeng patupahon hagiotna tingki dakdanak, i ma naeng lao tu bahat bangso di portibion. Di sada bukuna Visit to Iceland, ditulis ibana :

"Saat aku masih kecil, aku ingin sekali melihat dunia. Tiap kali aku melihat kereta kuda, aku tidak sengaja berhenti dan menatapnya terus-menerus sampai keretanya tidak terlihat; aku bahkan sempat iri dengan pengemudinya karena dia pasti memimpin perjalanan panjang tersebut sampai habis."

Taon 1842, lao ma ibana tu sunge Danube sahat tu Laut Hitam dohot kota Istanbul di Turki. Sian i, borhat ma ibana tu Palestina dohot tu Misir, dungi i mulak ma tu Austria lewat sian Italia. Ditulishon ibana ma sude pardalanan i di sada bukku martitel Reise einer Wienerin in das Heilige Land (Indonesia: “Perjalanan seorang perempuan Wina ke Tanah Suci,” 2 vol., Wina, 1843); hepeng ni panabusian ni bukku i, dipangke naeng tu pardalanan na tujoloan. Taon 1845, borhat ma ibana tu Skandinavia dohot Islandia. Ditulis ibana ma muse pardalnan i tu bukku na martitel, Reise nach dem skandinavischen Norden und der Insel Island (Indonesia: “Perjalanan ke Utara Skandinavia dan pulau Islandia,” Pest, 1846; Titel tu Inggeris: Journey to Iceland, Sweden, and Norway, London, 1852).

Hindia Bolanda

Dihoranghorang taon 1852 sahat tu 1853, sahat ma pardalanan ni Ida Laura tu tano Batak. Pardalanan on disurat ibana di bukku taon 1855, na martitel " A Lady's Second Journey Round the World: From London to the Cape of Good Hope, Borneo, Java, Sumatra, Celebes, Ceram, the Moluccas, Etc., California, Panama, Peru, Ecuador, and the United States, Volume 1. " Di partongaan bulan Agustus 1852, borhat ma si Ida Laura dohot sada donganna sian Padang tu bukit di Silindong, jonok tu Tao Toba. Alai, tingki so sahat dope tu Tao Toba, didok dongan nai ma tu si Ida, asa unang lao tusi, alana tinanda hala Batak tingki i kanibal. Di kota Padang, rencana pardalanan tu Tao Toba dijua angka halak disi. Dibege halaki molo dua misionaris sian Amerika Serikat, i ma Henry Lyman dohot Samuel Munson, dirimpu mate dipamate halak Batak taon 1835.^[1]

Dibukku nai di tulis si Ida ma;

"Sebelum saya menyadarinya, sekawanan lelaki telah melingkari saya seraya menodongkan tombak mereka, dengan tatapan ngeri dan liar. Saya tidak mengerti apa yang terjadi selanjutnya, Saya merasa sudah pasti bahwa ini adalah akhir hidup saya."

Adong mar 80 halak, mangambat pardalanan ni nasida dohot donganna, tingki sahat tu tano Batak. Alai dang habis angkal, dibahen ibana ma gaya pantomim, naeng paboahon tu 80 halak i, molo ibana dang mabiar. Ibana iklas diboan alai ingkon diboan parjolo tu Eier Tau— Tao Toba. Mangida aha na dibahen si Ida, gabe mengkel ma sude halaki.^[1]

Pustaha

↑ ^1.0 ^1.1 ^1.2 "Kengerian Pelancong Perempuan Pertama di Batak pada Abad ke-19". www.nationalgeographic.grid.id (dalam bahasa Indonesian). Diakses tanggal 22 November 2020.

Down, Alec. "Ida Pfeiffer in China: Examining the Suppression of Gender Roles in the Face of European Colonial Superiority" (2013). Library Research Grants.
Leidler, Keith (2005). "Female Caligula: Ranavalona, the Mad Queen of Madagascar", John Wiley & Sons, isbn= 0-470-02223-X
Mary Somers Heidhues (2004) “Woman on the Road: Ida Pfeiffer in the Indies,” Archipel 68 hlm. 289–313 Online here
Baker, D. B. (1996) “Pfeiffer, Wallace, Allen and Smith: the discovery of the Hymenoptera of the Malay Archipelago,” Archives of Natural History 23:153-200 ISSN 0260-9541

Pranala luar

Works by Ida Laura Pfeiffer di The Sophie Project
The Story of Ida Pfeiffer, and Her Travels in Many Lands, biografi tahun 1879.
2 episode radio pendek American Steamers dan A Bear in the Streets sian A Lady's Second Journey Round the World, 1855. California Legacy Project.

[TOBA-1] 1.0 ^1.1 ^1.2 "Kengerian Pelancong Perempuan Pertama di Batak pada Abad ke-19". www.nationalgeographic.grid.id (dalam bahasa Indonesian). Diakses tanggal 22 November 2020.

[1]