Ilik

Patota pangait
Sian Wikipedia
Angka ragam ni Ilik, adong na opat patna, adong muse dang mar pat

Ilik (Surat Batak:ᯤᯞᯂᯪ᯲, Indonesia: Kadal sanga Bengkarung; Inggoris: Lizard) ima sada horong ni binatang reptilia na adong opat pat na (adong muse ilik dang marpat, suman tu ulok, alai dang ulok) namangolu di saganop bangso di portibi on. Molo dibereng sian ilmiah, horong ni ilik ditanda ma subordo manang anak punguan ni Lacertilia (adong muse manggoarina Sauria) horong ni reptilia marsisik (Squamata) hombar tu ulok.[1]

Angka ragam ni ilik[patota | patota mualna]

Ilik kobun betina (Eutropis multifasciatus)
Biawak monitor Nil (Varanus niloticus)
Iguana laut (Amblyrhynchus cristatus)

Sahat tu saonari, tondong ni ilik ingkon adong hira 40 tondong (dang dope masuk anak tondong na). Angka ragam ni ilik, lumobi tu pamatangna, uarna na, balga na, bahat ragamna. Adong ilik namarsisik damo, marlinang haira adong minyakna, alai sabotulna sisik ni ilik horing, alana dang adong pori-pori na. Adong muse ilik namarragam songon boraspati dohot tokek marbulu di talapak patna, na boi mabahen Ilik boi manjangkit hau sanga dinding.[2]

Bahat ragam ni ilik adong botohon pat na, tung pe balga manang gelleng. Alai, adong muse tondong ni ilik dak marpat, haira ulok. Angka ilik na songon on, biasana dijou Ilik dang marpat, misalna Anguis fragilis, ganjang pamatangna, dang marpat. Tungpe songoni, boi do mambedahon idia ulok, idia ilik dang marpat. Lumobi, dibereng sian dilana, molo ulok biasana dua dangkana ganjang, alai molo ilik, dua dangkana, alai gelleng. Dung i, lubang ni pinggolna (ulok dang adong lubang pinggolna jala dang boi marbinege), sisikna (sisik ni ilik tarhalus, alai ulok dang halus). Ilik adong ampak matana alai ulok dang adong, ihur ni ulok umganjangan sian pamatangna, alai molo ilik, pamatangna umganjangan sian ihurna).[3][4]

Ilik dohot Jolma[patota | patota mualna]

Sian sude ragam ni ilik, umumna dang pola jorbut tu angka jolma. Tungpe sipata jolma dipagut ilik, dang pola sahat marbugang. Dihaporseai, molo holan Komodo ragam ni ilik naboi pamatehon jolma. Ilik Gila (Kadal Gila) dohot Ilik manik-manik Meksiko, na adong bisana, ipe dang pola sahat mambahen jolma mate molo dipagut, tungke haraton nai mabahen sahit. Umumna, ilik adong gunana dihangoluan ni jolma. Bahat angka jolma mabahen ilik gabe dipahani gabe dongan, adong muse na mambuat kulit ni ilik gabe seni, adong muse na mangallang jagal ni ilik.[5]

Angka Punguan tondongna[patota | patota mualna]

Ilik halongonan (Kadal gurun Uma inornata)
Ilik Basilisk (Kadal Basilisk, Basiliscus plumifrons)
Ilik ihur-marbolang (Kadal ekor-belang, Callisaurus draconoides)
Ilik duhut (Kadal rumput Takydromus sexlineatus)
Lobar ijo (Biawak hijau Varanus prasinus)

Inpraordo Iguania[6][patota | patota mualna]

Subtondong Iguanidea:

Inpraordo Gekkota[6][patota | patota mualna]

Inpraordo Scincomorpha[6][patota | patota mualna]

Subtondong Gymnophthalmoidea

Inpraordo Diploglossa[6][patota | patota mualna]

Inpraordo Dibamia[6][patota | patota mualna]

Inpraordo Platynota[6][patota | patota mualna]

Supertondong Shinisauroidea

Referensi[patota | patota mualna]

  1. ↑ Reptile Database. www.reptile-database.org, 29 Mei 2021
  2. ↑ The World's Top 10 Reptiles – in Pictures (5 Mei 2016), The Guardian, diakses 29 Mei 2021
  3. ↑ Starr, C.; Taggart, R.; Evers, C. (2012) Biology: The Unity and Diversity of Life, Cengage Learning, alaman 429, isbn:978-1111425692, diakses 29 Mei 2021
  4. ↑ Pough et al (1992) Herpetology - Edition: Third, Pearson Prentice Hall, 29 Mei 2021
  5. ↑ Jember Ekspor Tokek ke Asia (15 Juni 2006), www.gatra.com, diakses 29 Mei 2021
  6. ↑ 6.0 6.1 6.2 6.3 6.4 6.5 Higher Reptile Taxa www.reptile-database.org, diakses tanggal 29 Mei 2021
Dijalo sian "https://bbc.wikipedia.org/w/index.php?title=Ilik&oldid=9308"