Jabu Bolon

Jabu Bolon, jabu paradaton ni halak Batak Toba, di taon 2019

Jabu Bolon (Surat Batak: ᯐᯅᯮᯅᯬᯞᯉᯬ᯲, Indonesia: Rumah Bolon) i ma ingkon jabu paradaton ni halak Batak na adong di propinsi Sumatera Utara, Indonesia. Jabu Bolon on ma na gabe simbol partinandaan ni halak Batak di ganᯮᯮᯮᯮᯮᯮᯮᯮᯮᯮᯮup portibi on, lumobi halak Batak na maringanan di Sumatera Utara. Di tingki najolo, jabu Bolon on gabe inganan ni 13 raja na adong di Sumatera Utara. 13 Raja i ima Raja Ranjinman, Raja Nagaraja, Raja Batiran, Raja Bakkaraja, Raja Baringin, Raja Bonabatu, Raja Rajaulan, Raja Atian, Raja Hormabulan, Raja Raondop, Raja Rahalim, Raja Karel Tanjung, dohot Raja Mogam.

Di bagasan paradaton halak Batak, adong muse ingkon ragam ni jabu Bolon on, ima jabu Bolon Toba, jabu Bolon Simalungun, jabu Bolon Karo, jabu Bolon Mandailing, jabu Bolon Pakpak, dohot jabu Bolon Angkola. Saonari, nungga adong Jabu Bolon di Taman Mini Indonesia Indah di Jakarta, na gabe jabu wisata sian Sumatera Utara.

Tompa na

Marjejer angka Jabu Bolon ni Batak Toba di Huta Siallagan, di taon 2017

Tompa ni jabu Bolon ima suhisuhi ganjang, dung i somalna ma songon jabu na martangga. Timbo ni lante ni jabu on hira-hira 1,75 meter sian tano. Alani i, molo adong jolma na naeng masuk tu jabu Bolon, ingkon manjangkit mamangke tangga. Tangga ni jabu adong di tonga-tonga ni jabu, hombar tu jolo ni pintu masuk. Dung i, di bagasan jabu Bolon luang, dang marisi, tarbungka bidang, dang adong kamarna.

Jabu Bolon on ingkon ditungkoli angka tiang-tiang di saganop suhisuhi nai. Dung i, tiang na manompa i pe dohot manompa angka lante ni jabu di ganup suhisuhina. Tarup ni jabu Bolon tompa na mangalehu di jolo dohot di pudi ni jabu. Dung i, tompa ni tarup jabu Bolon hira polana ni hudo.