Jambatan Aek Tano Ponggol
Jambatan Aek Tano Ponggol i ma sada Jambatan na adong di Pangururan, Kabupaten Samosir, Propinsi Sumatera Utara. Jambatan on dipasirang sada dalan ni aek di toruna, ima ma margar Tano Ponggol. Sonari Jambatan Aek Tano Ponggol on nungga gabe sada bohi ni Kabupaten Samosir, jala holan jambatan on do na pa domuhon Pulo Sumatera tu Pulo Samosir sian darat, dang adong na asing dalan na boi laho masuk manang lao haluar sian Pulo Samosir on molo sian darat anggo so marhitehite Jambatan Aek Tano Ponggol on.
Rupa ni jambatan
[patota | patota mualna]Songon angka na somal di bangso Batak songoni ma rupa ni Jabbatan on di bahen, ima na mangihutton nasomal di paradatan ni halak batak na idok na Dalihan Na Tolu, tolu ma tutu ibahen lao paniop ni Jambatan i, tolussa ma i ibaen narara alani na rara do na biasa di pakke bangso batak di haloluan nasida siganup ari. [1]
Ganjang ni Jambatan Aek Tano Ponggol on, 294 meter, i bagi ma on gabe dua ima :
- Jambatan Indung : Ganjangna 179 Meter
- Jambatan pa jolokhon : Ganjangna 155 Meter[2]
Pangulahon ni Jambatan Aek Tano Ponggol
[patota | patota mualna]Songon na dibaritahon, na mangkarejohon 'Jambatan Aek Tano Ponggol on i ma PT. Wijaya Karya (Persero) Tbk, godang ni hepeng na 157 Milliar, jala haroro ni hepeng i, ima sian hepeng ni pamarenta pusat ni banggo on sian taon 2020 sahat tu taon 2022[2] pamarentaan ni Peresiden Indonesia, i ma amanta Si Jokowi, dihaluahon pamarenta hepeng godang na mar 157 Milliar, i ma na laho padengganhon jambatan di inganan ni Tano Ponggol on na margoar Jambatan Aek Tano Ponggol, jala amanta Si Jokowi do muse na mamestahon di tingki dung sae dibaen jambatan ni Aek Tano Ponggol i, ima na di taon 2023 naung salpu.
Di tingki taon 2022, di pabolan pamarenta ma muse bolan ni tano ponggol on, na sian 25 meter bolan ga bae sahat ma dibaen 80 meter, asa laos boi ma nian mangalos sian tano ponggol i sada sada kapal na balga, asa lam tu denggan na ma angka haroro ni parhepengon ni jolma manisia na adong di luat i[3]
Sasada Dalan Lao Tu Pulo Samosir sian Darat
[patota | patota mualna]Songon na di paboton, di gijang ni Tano Ponggol on, adong do dibaen sada jabatan ima na margoar Jambatan Aek Tano Ponggol jala holan on do hassa dana darat na boi dalan laho masuk dohot haluar tu pulo samosir. Di haroro ni Jabbata on, gabe lam ribur do akka na marwisata tu luat on, alana gabe sada sada bohi na uli do molo jabbatan on di Pamaretta ni Kabupaten Samosir.[4]
Pardalanan to asa sahat tu Tano Ponggol
[patota | patota mualna]Dalan nadumenggan asa boi sahat tu Jambatan Aek tano ponggol on molo sian Medan tu ima dalan sian Sidikalang
- Sian Medan di ida ma dalan lao tu Sidikalang, ima ma mangalewati huta Kabenjahe, Kabupaten Karo
- Dipatorus ma sampe sahat tu Simpang Dua Sidikalang
- Manorus ma muse tu arah simpang Tele
- Sian Simpang Tele, manorus ma hira hira 40 menit asa sahat tu lokasi Jambatan Aek tano ponggol on.
Pustaha
[patota | patota mualna]- ↑ GreenBerita.com 117 Tahun Jebatan Tano Ponggol (Diida: 29 November 2024 - 08.10 Wib)
- 1 2 Medcom.id JKRW 40ON Desain Jembatan Aek Tano Ponggol yang Dihiasi Dalihan Na Tolu (Diida: 29 November 2024 - 08.10 Wib)
- ↑ Detik.com Jokowi Resmikan Jembatan Aek Tano Ponggol Senilai Rp. 157 M di Samosir (Diida: 29 November 2024 - 08.12 Wib)
- ↑ AyoBandung.com Jembatan Sepanjang 382 Meter ini jadi satu-satunya akses jalur darat menuju antar pulau biayanya tembus Rp. 157 Milliar (Diida: 29 November 2024 - 08.14 Wib)