Paridian Aek Soda Tarutung

Paridian aek soda Tarutung ima sada inganan pardalanan paridian na adong di Sumatera Utara. Paridian on maringanan di Kabupaten Tapanuli. Mual ni aek soda on ima sian dolok-dolok di luat Tarutung, di Desa Parbubu I, Kabupaten Tapanuli Utara. Paridian aek soda holan dua do di portibi on, sada ma i di Tarutung, jala na adaong di Venezuela.^[1]^[2]

Turian Paridian

Objek wisata on nungga adong lobi sian 40 taon. Paridian on nungga dipabangkit sian taon 1976^[3]^[4]. Jala napature-turehon inganan on ima halak na adong disi do, ima Minar Sihite (Op. Ridoi Tobing/br. Sihite). Sahat tu saonnari paridian on tong dope dipature-ture keluarga i. Minar Sihita ima sahalak bidan na mulak tu huta na do. Tikki I ibana mardalan jala jumpa ibana aek soda na adong di ramba-ramba. Minar marnipi dijumpai sahala oppung jala mangalehon poda asa dipabangkit aek soda I gabe inganan paridian di Tarutung. Dungi dipabangkit ibana ma paridian i dung dilehon pitu pohul itak (lappet) na adong dibagasan bulung ni pisang tu pangisi humaliang^[5]. ^[6]^[7]Si Minar do pengurus na hot, ibana do na sai pahembanghon dohot padengganhon inganan on asa lam tu dengganna. Hea do tingki sega inganan on ala longsor, dipature si Minar do inganan on so pola mangido pangurupion tu pamarenta. Nang pe godang halak marpingkir, ampuna ni pamarenta do paridian soda i, alai tong do dijaga jala diurus si Minar inganan i.^[8]

Partinandaan Aek Soda Tarutung .

Aek soda on targoar Aek Rara Tarutung, lapatanna aek na rara di Tarutung. On ma ala aek paridian i godangan aek na rara.^[8]
Molo maridi hita, gabe gok busa ma pamatangta, ala aek soda na i sarupa do dohot soda na biasana. Alani i, hansit do pangkilalaan ni siamlolongta molo hona tu soda i.^[9]
Dang adong kandungan gulana, jadi aek soda on dang lokkot tu pamatang tikki maridi
Molo mandi, niang do dihilala pamatang .
Molo dihilala hita do, accim do dai ni aek i^[10]

Parhambangon Paridian Aek Soda

Sahat tu saonari, inganan wisata on dope inganan na dipillit angka wisatawan laho didapothon. Paridian on pe jotjot do ditopot angka halak na adong dijonok paridian on laho holan maridi. Arga masuk tu paridian on holan 10.000 rupiah do tu paridian aek soda, jala dipangido do biaya tambahan hira-hira 10.000 rupiah tu parkir kendaraan. Fasilitas na adong di inganan paridian on ima warung, WC dohot adong muse kamar laho marganti^[11].

Patureturean Sampah Wisata

Laho paturehon sampah cair di inganan on, tarlumobi sampah sian WC, adong do nian septik tank, nang pe songon i, sampah na sian manang marharoroan sian ulaon maridi diboto adong do pigapiga masalah saluran aek limbah, i ma na terbuka, retak, adong na sumbat jala ndang dipangke be. On ma na mambahen aek limbah sian paridian dohot bilas na i manginsir, dungi meluap jala meresap tu tano hinorhon ni i, molo godang turis na ro, gabe buttak ma pigapiga dalan di humaliang ni WC i, tarlumobi na di topi ni kolam i gabe dorsung, lumobi di jolo-jolo ni angka kios sipanganon.^[9]

Dalan tu Paridian Aek Soda

Molo sian Medan, boi do sahat marhite dalan hira-hira 6 jom, boi ma sian jalur Medan-Siantar-Porsea-Balige-Siborong-borong-Tarutung
Molo sian Sidikalang, boi do sahat marhite dalan hira-hira 4 jom, boi ma sian jalur Sidikalang-Dolok Sanggul-Siborong-borong-Tarutung
Molo sian Silangit, boi do sahat marhite-hite dalan hira-hira sajom, boi ma sian jalur Sialngit-Siborong-borong-Tarutung
Molo sian Padang Sidempuan, Tapanuli Selatan, boi do sahat marhite-hite dalan hira-hira 3 jom, boi ma sian jalur Padang Sidempuan-Sipirok-Sarulla-Tarutung

Pustaha

[1] ttps://sumut.idntimes.com/travel/destination/arifin-alamudi/satu-satunya-pemandian-air-soda-di-indonesia-ada-di-tarutung-lho?page=all

[2] ttps://www.merdeka.com/gaya/cuma-ada-2-di-dunia-keunikan-pemandian-air-soda-tarutung-di-tapanuli-utara.html

[3] ttps://www.liputan6.com/lifestyle/read/4706668/uniknya-pemandian-air-soda-tarutung-di-tapanuli-utara-hanya-ada-2-di-dunia

[4] ttps://publisherqu.com/index.php/pediaqu/article/download/332/324

[5] ttps://web.archive.org/web/20211105153750/https://www.validnews.id/kultura/asal-usul-pemandian-air-soda-di-tarutung

[6] ttps://web.archive.org/web/20230608233807/https://www.detik.com/sumut/wisata/d-6761949/uniknya-pemandian-air-soda-tarutung-hanya-ada-2-di-dunia

[:0-7] ttps://id.wikipedia.org/wiki/Pemandian_Air_Soda_Tarutung

[:1-8] 1 2 https://www.medcom.id/gaya/wisata/ob326d5N-wisata-langka-ini-5-fakta-pemandian-air-soda-di-tarutung#google_vignette

[:2-9] 1 2 https://ejournal-nipamof.id/index.php/NianTanaSikka/article/download/529/654

[10] ttps://www.kompas.com/tren/read/2023/06/14/183000665/viral-foto-kolam-air-soda-di-tapanuli-utara-benarkah-hanya-ada-dua-di-dunia?page=all

[11] ttps://kumparan.com/jendela-dunia/pemandian-air-soda-tarutung-sensasi-berendam-untuk-relaksasi-dan-kesehatan-23DouyoQmFx/full

[1]

[2]

[3]

[4]

[5]

[6]

[7]

[8]

[9]

[10]

[11]