Porlak Alam Lumbini Berastagi
Porlak Alam Lumbini Berastagi ima sada inganan na laho marwisata, Porlak Alam Lumbini Berastagi on ima tiruan sian sada pagoda na adong di Bangso Myanmar na margoar Pagoda Shwedagon, na di taon 2010 sae ma di karejohon bagunan Pagoda na adong di Porlak on, timbo na 46,8 meter, gajjang na 68 meter, jala bolak na pe 68 meter, do tu Pagoda Shwedagon na adong di Myanmar, pagodan na adong di prolak on pe dibahen lao gabe inganan ni martangian akka na mar agamo Budha, jala gabe sada inganan laho marwisata.[1]
Inganan ni Prolak Lumbini
[patota | patota mualna]Porlak on maringanan ma on di bagasan International Buddhist Centre, bolak na hira hira 3 hektar, ima sada inganan na adong di Huta Dolat Rayat, Kabupaten Karo, Sumatera Utara, Indonesia. Maringanan ma on di toru ni Dolok Sibayak, umbahen gabe sogar jala lamo ma panghilalaan di inganan on, molo sian Kota Medan, hira hira mar dua jom manang dua satongan jom ma leleng na asa sahat hita tu inganan on.[2]
Sigararon masuk dohot jam bukka ni Porlak
[patota | patota mualna]Na umbahen on gabe sada inganan na tabo lao marwisata ima, molo aneng masuk tu bagasan Porlak on, dang adong di tontuhon sadia na aneng sigararon, sadia na tarbukka ni roha asa i ma sigararon. On gabe sada sada promosi do mambahen gabe godang jolma na ro tuinganan on.
Taringot tu jam bukka ni Porlak on, molo songon na somal, bukka ma inganan on di pukkul 09.00 Wib di manogot sahat tu potang / botari di pukkul 17.00 Wib.[3]
Pagoda na untimbo di Indonesia
[patota | patota mualna]Molo ro tu Porlak on, godang do boi jumpang ta akka patung ni Budha di piga piga inganan, di sudut ni bagunan adong do muse piga piga goar na akka harotas harotas haragapan na di gantung di ranting ni hau, taringot tu timbona ni bagunan Pagoda na adong di Porlak on, on nungga gabe sada Rekor MURI ala nungga gabe sada Pagada na untimbo sian akka na asing na adong di Indonesia, timbona ima 46,8 meter.[4]
Pranala Ruar
[patota | patota mualna]- TamanAlamLumbini.org - Situs Resmi
- AntaraFoto.com - Kumpulan Foto di Taman Alam Lumbini
Pustaha
[patota | patota mualna]- ↑ TamanAlamLumbini.org. Situs Resmi ni Porlak Alam Lumbini Berastagi. (Diida: 16 November 2024 - 21.53 Wib)
- ↑ Kumparan.com (17 Januari 2024). Taman Alam Lumbini: Lokasi, Daya Tarik, Jam Buka, Harga Tiket, dan Cara ke Sana (Diida: 16 November 2024 - 22.14 Wib)
- ↑ Kompas.com (01 Desember 2022). Taman Alam Lumbini: Daya Tarik, Harga Tiket, dan Jam Buka. (Diida: 16 November 2024 - 22.12 Wib)
- ↑ Kompas Travel (23 Juli 2023). Taman Alam Lumbini Sumatera Utara, Ada Pagoda Tertinggi di Indonesia. (Diida: 16 November 2024 - 22.30)