Porlak Buru Pulo Pini

Porlak Buru Pulo Pini, manang di hata Indonesia didok Taman Buru (TB) Pulau Pini, ima porlak na bolak na adong di Pulo Pini, ima sada sian kelompok pulo na adong di Samudera Hindia, sintongna di bagian pastina ni Pulo Sumatera. Porlak on ima sada sian 14 Porlak Buru na adong di Indonesia. TB Pulo Pini maringanan ma i sian purba tu pastina, di selatan Pulo Nias, sabola barat Pulo Sumatera dohot irisanna Pulo Telo. Bolak ni Pulo Pini hira-hira 24,36 km, bolak ni Pulo Tanah Masa 32,16 km, jala bolak ni Pulo Tello 18 km. Marhite inganan geografisna, Porlak Buru maringanan di koordinat antara 00’04’-00’11’ LU dohot 98’40’-98’51’ BT dohot luas hira-hira 8.320 Ha. Secara administratif, TB Pulo Pini adong di Kecamatan Pulau-Pulau Batu Timur, Kabupaten Nias Selatan. Luat on langsung marsijonokan dohot luat hutan produksi eks HPH (Hak Pengusahaan Hutan) PT. Gunung Raya Utama Timber Industries (GRUTI)

Turian

Mual ni hajongjoan ni luat on dimulai ma i sian taon 1995, marhite Surat Nomor 760/DJ-VI/Binprog/1995 tanggal 8 September 1995, diusulhon Dirjen Perlindungan Hutan dan Pelestarian Alam (PHPA) ma luas ni harangan produksi na bidagna 8.350 ha diganti parlabaan na gabe Porlak Buru. On ma na gabe ojahan ni haruar ni Keputusan Menteri Kehutanan Nomor: 347/Kpts-II/1996 tanggal 5 Juli 1996 taringot tu Perubahan Lapatan Sebagian Kawasan Hutan Produksi Tetap Na maringanan di Pulo Pini, Sumatera Utara Tingkat I na mencakup Kabupaten Daerah Tingkat I (parjolo) bidangna hira-hira 8.350 hektar asa gabe Porlak Buru.

Ondolan ni Uhum

Adong do piga-piga uhum na gabe ondolan hajongjongan ni porlak on:

• Penuduon Porlak Buru Pulau Pini ima marhite Surat Haputuson Menteri Kehutanan Nomor 347/Kpts-II/1996 tanggal 5 Juli 1996 na bidangna 8.350 Ha
• Haputuson Dirjen Perlindungan Hutan dan Pelestarian Alam Nomor : SK 133/IV-Set/2014 mengenai penentuan Rayon di Porlak Nasional, Porlak Harangan Raya, TWA dohot Porlak Buru dalam konteks pengenaan Pendapatan Negara Bukan Pajak (PNBP).
• Surat Haputuson Menteri Kehutanan No: SK.579/Menhut-II/2014 taringot tu Penetapan luat harangan na di Sumatera Utara.

Mamereng sian turian andorang so dilantik Taman Buru di Pulo Pini, di mulana Porlak Buru ima luat harangan produksi na hot di provinsi Sumatera Utara, dungi dibahen pamarenta marhite Haputuson Menteri Kehutanan No: 347/Kpts-II/1996 tanggal 17 Juli 1996 taringot tu paubahon fungsi ni pigapiga luat hutan produksi na hot na maringanan di Pulo Pini, sada kabupaten daerah Tingkat I Sumatera Utara na bidangna hira-hira 8.350 Ha, fungsi ni luat hutan produksi na hot on dung i gabe sada daerah pelestarian taman berburu. Songon na pinasahat ni Undang-Undang no. 41 taon 1999, Taman Buru puna fungsi na ndada tarbatas tu inganan khusus tu parburuan, alai tung gabe marfungsi gabe inganan penelitian dohot peherbangon ilmu pengetahuan, potensi ekowisata dohot haulion alam berupa bakau na terlestarikan bagak, haulion sian laut, onan, dohot humaliang ni Pulo Pini nunga gabe tujuan wisata dohot pendidikan.

Ekosistem

Posisi ni Porlak Buru Pulo Pini, adong di ketinggian 0 – 80 meter di ginjang parmukaan laut (mdpl) jala langsung berbatasan dohot Samudera Hindia, mambahen luat on mansai istimewa. Somalna, luat on berformasi harangan dataran na teuk dohot formasi harangan pante na maghorhon hian tu ciri-ciri suansuanan dohot akka dorbia di bagasanna. Di ekosistem bakau na di bagian utara sahat tu irisanna luat on, ima inganan parmianan tu jenis-jenis dorbia bakau (mangrove) songon kepiting, udang, derek dohot tu kera ihur na ganjang, ulok dohot kadal pante. Asing ni dua formasi ekosistem on, ekosistem padang rumput laut pe adong do di bagian purba ni luat i na didominasi suansuanan rumput laut dohot kelompok suansuanan Alismatales. Alai, kawasan laut manimpan potensi ekosistem karang na uli dohot adong potensi laho diherbangkon

Pature-turehon dohot Paherbangkonon

Pusat KSDA (Konservasi Sumber Daya Alam) Sumatera Utara, ima na gabe UPT (Unit Pelaksanaan Teknis) Direktorat Jenderal Perlindungan Hutan dohot Pelestarian Alam, Kementerian Kehutanan, martugas dohot martanggungjawab gabe na paturehon laut on. Tontu porlu do perencanaan na andal di na patureturehon luat Porlak Buru Pulo Pini asa dapot hasil na optimal asa labana manjaga sistem pendukung kehidupan; Kawasan pelestarian hagodangan ni hayati dohot pamakean ni kawasan na berkelanjutan boi terwujud dohot mangalehen manfaat tu masyarakat umum. Ala ni i, aspek ekologi, teknis, ekonomi dohot sosial budaya do na dipangke gabe dasar ni ulaon laho patureturehon luat on

Penuduon luat on sasintongna mangalehon panghirimon di na paturehon kesejahteraan dohot kualitas hidup ni masyarakat na humaliang marhite pembangunan kulaon perburuan dorbia na liar hombar tu ketentuan Peraturan Pemerintah Nomor 13 taon 1994 taringot tu Perburuan Hewan Liar songon i nang pembangunan dohot pemanfaatan ni Kawasan Taman Buru dohot lingkungan sekitarna. Panghirimon on boi do saut, tontu marhite perencanaan na manat, andal jala komprehensif, na melibatkan akka pihak termasuk investor.

Faktor alam ima pendukung utama tu pembangunan luat on asa gabe tujuan wisata alam. Alam laut na uli jala na so tercemar, dao sian pencemaran udara dohot laut, i do na gabe faktor utama di paherbang ni wisata alam di porlak on.

Mardomu dohot usaha laho paherbangkon wisata alam on, lokasi ni luat on pe jonok do tu potensi wisata na asing, ima lokasi wisata laut alam na targoar Kepulauan Batu, na adong di bagasan radius 8 – 15 kilometer. Kepulauan Batu maringanan di Kecamatan Pulau Pulau Batu, Kabupaten Nias Selatan, napunasa potensi terumbu karang na jeges, jala di taon 2004 disaranhon Pemerintah Kabupaten Nias Selatan dohot Provinsi Sumatera Utara gabe Taman Wisata Alam Laut. Daerah on ima lokasi penyelaman ni angka penyelam Sumatera Utara.

Asing ni Kepulauan Batu, tetangga ni TB di Pulo Pini na laos gabe sasaran ni turis luar negeri dohot domestik ima Pantai Lagundri dohot Pantai Teluk Dalam di Kabupaten Nias, na tarbarita ala galumbangna na balga jala na timbo na gabe tantangan tu marselancar. Dua pantae on boi do gabe dukungan di na maherbangkon wisata alam tu Porak Pulo Pini on. Sahat tu sonnari, pamarenta torus dope marupaya patureturehon porlak on

Dorbia

Akka dorbia na boi hita bereng di Porlak Buru Pulo Pini tong dope dibedahon marguru tu jenis ekosistem na gabe inganan ni binatang on. Ekosistem hutan hujan tropis dataran teuk ima habitat na cocok tu spesies mamalia darat songon wakka, ursa dohot kijang, dohot mamalia arboreal songon kera ihur ganjang dohot ungags, tarsongon gagak.

Suansuanon

Suan-suanan na jotjot jumpang di luat harangan porlak Pulo Pini tarmasuk Keruing (dipterocarpus sp.), Meranti (shorea sp.), Malutua (gurcinia picrorhi), piga-piga jenis palma, pandan, pakis dohot jenis-jenis ni hau bakau songon Rhizophora, Avicenia dohot Bruguiera. Samantaro i, godang do tubu hau kalapa hampir di topi ni laut na martopi laut sian purba sahat tu selatan ni luat i.

Sosial Kemasyarakatan

Di luat Taman Buru on adong do sada huta na margoar huta Labuhan Bajo, na di peta tarsurat Labuhan Bajai. Huta on ima luat administrasi kecamatan Pulo Pulo Batu Timur na adong Kabupaten Nias Selatan. Mangihuthon hatorangan umum, huta on nunga adong sian taon 1940-an di tingki penjajahan ni Bolanda. Tarida do i sian rumang dohot kondisi ni jabu di huta on na sian hau jala idaon naung matua jala adong naung lapukon. Bidang ni huta on hira-hira 2 Ha. Di huta on adong do bontean kapal inganan ni masyarakat dohot nelayan na singgah, di lehon goarna Teluk Keppres. Hata ‘Keppres’ lapatanna solu. Lokasi ni bontean on strategis, ima di persimpangan dalan transportasi laut na menghubungkan akka pulo di Kabupaten Nias Selatan, Kabupaten Mentawai dohot Pulo Siberut. Di bontean on, adong do Pos Keamanan Laut nampunasa ni TNI-AL, hadirionna ima songon pusat keamanan tu angka kapal na marpotensi mago di aek. Pos on dibahen ala Pulo Pini langsung martopi dohot Samudera Hindia.

Akses pardalanan

• Sian Medan mamangke kendaraan pribadi manang angkutan umum tu Padangsidimpuan – Penyabungan – Natal (Kabupaten Mandailing Natal) dohot tingki pardalanan hira-hira 15 jom, diihuthon ma pardalanan marhite laut mamangke kapal hatop manang kapal tu Pulo Pini (Labuhan Bajo/Teluk Keppres) dohot Waktu Pardalanan hira-hira 6 jom. Total tingki pardalanan hira-hira 21 jom.
• Sian Medan marpesawat tu Gunung Sitoli, Pulo Nias dohot waktu perdalanan hira-hira 1 jom, diihuthon perdalanan udara sian Gunung Sitoli tu Tanahamasa – Pulau Tello, Kabupaten Nias Selatan dohot waktu pardalanan hira-hira 1 jom. Sahat tu Pulo Pini diulahon marhite laut sian Pulo Tello sahat tu Labuhan Hiu na mardalan hira-hira 5 jom jala torus tu Labuhan Bajo/Teluk Kepres na mardalan 2 jom. Total tingki pardalanan hira-hira 9 (sia) jom.
• Alternatif na asing ima marhite-hite rute Medan marpesawat tu Padang, Sumatera Barat, waktu padalanan hira-hira 1 jam, diihuthon pardalanan sian darat dohot kendaraan pribadi manang angkutan umum tu Air Bangis, Kabupaten Pasaman Barat, waktu pardalanan hira-hira 4 jom, dungi mardalan ma marparau hatop tu Labuhan Hiiu hira-hira 3 jom dungi tu Pulo Pini (Labuhan Bajo/Teluk Kepres) dohot waktu 2 jom. Total tingki pardalanan diperkirahon 9 (sia) jom.