Porlak Eden 100

Porlak Eden 100 ima sada inganan lao marwisata nappuna ni Amang Marundus Sirait na maringanan di huta Sionggang Utara, Kecamatan Lumban Julu, di Kabupaten Toba, Propinsi Sumatera utara, Indonesia.

Inganan ni Porlak Eden Eden 100

Porlak on maringanan ma on di sada luat na bolak na hira hira 50 hektar, ima di Kecamatan Lumban Julu, Kabupaten Toba, Propinsi Sumatera Utara. Molo sian Bandar Udara silangit hita, hira hira 2 manang 3 jom ma leleng ni pardalanan asa sahat tu porlak on, ia molo sian Kota Medan, hira hira 5 manang 6 jom ma pardalanan, molo sian Parapat, hira hira mar 17 kilometer ma dao na.^[1]

Jam bukka ni Porlak Eden 100

Molo aneng ro tu Porlak Eden 100 on, boi do ganup ari, marbukka do inganan on tiap ari, mulai ari Senen sahat tu ari Minggu, somal na bukka ma i sian jam 08.00 Wib sahat tu jam 18.00 Wib. Dos do tu inganan marwisata na asing, porlak on somal do ribur jolma na ro marwisata di tikkin ujung ni munggu dohot di tikki adong lubur.^[2]

Na adong di Porlak Eden 100

Alani bolak ni inganan na, na mar 50 hektar i, jadi molo taringot tu hahaadongan di bagasan Porlak Eden 100 on, adong do marragam na boi si idaon di Porlak on, adong do mar saratus massam ni hau dibagasa porlak on, dohot ma i dibagasan na bona ni andaliman ima sada rempah rempah na adong di luat ni Porlak on, adong do muse inganan na sosok lao hundul hundul mangopi di bagas ni sunge na dibaen nasida adong hundulan na dohot mar meja jalan adong tarup na, asa tumakkas on ma piga piga na boi ta ida dibagas ni Porlak Eden 100 on, ima:^[3]

Kobun Andaliman

Molo ro hita tu Kobun on, boi ma hita mangida boa do mambibit hon andaliman, jala boa do rupa ni addaliman naung malamun, saluhut na ma i hita ida, mulai sian namemet bona ni andaliman i, sahat tu na matua boras na, gabe parsiajaran na argga do dihita taringot tu bona ni andaliman molo ro hita tu kobun andaliman on, jala boi do muse ta dai boa do rasa ni addaliman i di pamangan molo ta buat boras na langsung sian bona na.

Sampuran Tongguran

Dibagasan Porlan on, adong do muse sampuran, ima sampuran Tongguran goar na, dua ma tingkat ni aek na, jala bagak ma sampuran on molo aneng margombar gombar hita disi, molo siang ingana parjolo masuk, mar 500 meter ma dao ni sidalanon asa sahat tu sampuran on.

Porlak Buah

Molo ro hita tu Porlak Eden 100 on, sosok ma nian molo rappak akka pamili / keluarga ta, songon na marrombongan ni sada punguan pe sosok ma nian molo ro tu luat on, ia dison adong do muse Porlak Buah, molo ro hita tu inganan on, boi ma ta buat sandiri boras na, songon boras ni jeruk manang boras ni Raspberry. Somal na molo Jeruk, bulan pitu ma marboras, jala boi ma ta putik boras na i.

Galeri Andaliman

Ia amang si Marandus Sirait tung massai jago do bana mambuat rohani akka na ro marwisata, molo nungga sobu rha ni nasida mangida akka na boi di ida di Porlak on, boi do muse ro nasida tu Galeri naung di baen amang sirait, ima Galeri Andaliman. Boi ma hita ida manang hita tuhor silua ni tangan sian Galeri on, massam ragam ni silua ni tangan na adong di bagasan galeri on, Sambbal, kopi, karipik, bandrek, dohot sabun adong di bagasan galeri on.

Arga ni Sigararon ro Tu Porlak Eden 100

Taringot ma hita tu arga ni sigararon molo ro tu inganan on, ia molo sigararon tu porlak on mangida boa parrotta ma, manang aha na ta bereng, songon ma mutik buah, somal na balga ni sigararon mangida aha na ta putik dohot sadia godang na ta putik, songon Jeruk, somal na Rp. 20.000 ma sa kilo molo ta putik sandiri, molo boras ni Rospberry Rp. 10.000 sakilo. Alai molo holan tikket masuk na, manggalar ma hita Rp. 10.000 sada jolma, alai adong do muse akka na ro ma makke jasa ni pemandu, molo mar pemandu hita, ta garar ma Rp. 100.000 sada pemandu, somal na na marpemandu akka na ro marrombongan ma, hira hira sajam manang dua jam ma hita i dongani nasida mangaliati porlak Eden 100 on.