Parapat, Girsang Sipangan Bolon, Simalungun

Kelurahan Parapat
Kelurahan
Nagara	Indonesia
Provinsi	Sumatera Utara
Kabupaten	Simalungun
Kecamatan	Girsang Sipangan Bolon
Kodepos	21174
Bidang	14,64 km2
Bilangan ni jolma	9,138 jiwa
Kapadatan	577.00 jiwa/km2

Parapat ima sada kelurahan na adong di Kecamatan Sipangan Bolon, Kabupaten Simalungun, Provinsi Sumatera Utara, Indonesia. Kelurahan Parapat, Girsang Sipangan Bolon on, ima sada sian piga piga na adong na gebe dalan pa molusan na adong di Tao Toba sian Pulo Sumatra tu Pulo Samosir.

Mula ni Goar ni Huta Parapat

Na jolo adong do sada serita na tarbarita jala di haporsea i akka jolma na tading di luat i, ima sada serita taringot tu hahaadongan ni Batu Gantung, najolo adong ma sada anak boru na bojok pikkiran na alani sitaonon na taringot tu pardonganon na, adong bawa na dihaholoni ni roha na, alai dang di tolopi natua-tua na, jala gabe bawa na asing do na di jujui na gabe dongan saripe na, on ma umbahen na gabe jok pikkiran na, dungi ala ni ruddut ni pikkiran na lao ma ibana tu piggir ni Tao Toba na aneng maddele ma ibana disi, alai hapit ma pat na dibatu, jala di gora i bana ma gogo, i dok imana ma: "Parapat.... Batu" dungi lam rapat ma batu i, jala adong ma batu na maponggol, ima mula ni Batu Gantung, jala ima mula ni goar ni Huta Parapat na di haporseai akka jolma na di huta i sian najolo.

Huta Inganan Marwisata Naung Tarbarita

Huta Parapat

Taringot tu Inganan marwisata di Tao Toba, nungga tung jodang akka jolma na padohothon Huta Parapat tu bagasan ni inganan lao marwisata, dang hinata tutu ia molo Huta Parapat on nungga tung massai godang umbotosa jala nungga tarbarita tu piga piga luat na adong di portibi on. Huta on hira hira mar 48 kilometer ma dao na sian Kota Pematang Siantar, ala jonok do muse sian kota Siantar, gabe lam ribur ma akka jolma na ro marwisata tu huta on, on ma piga piga inganan marwisata na adong di Huta Parapat, Girsang Sipangan Bolon, Simalungun, Ima:

1. Buhit Indah Simarjarunjung manang jojot idokkon BIS
2. Wisata Batu Gantung
3. Porlak Eden 100
4. Buhit Gideon
5. Pante Bebas Parapat
6. Buhit Seyum

Guretan Danau Toba di Parapat

Goar ni Lingkungan / Nagori di Parapat

Adong do piga piga lingkungan manang lumban di huta parapat on, ima:

• Bangun Dolok
• Buntu Pasir
• Parapat
• Pangasean
• Sosorsaba

Ugamo dohot Gok ni Jolma

Taringot tu godang ni Jolma na adong di Parapat on, Godang na ima 8.736 halak, 4.277 halak ma i bawa, jala 4.459 ma i borua.

Taringot Tu Ugamo, akka jolma na adong di Kelurahan Parapat on nuaeng nungga gumodangan mar ugamo tu namasa nuaeng, dang be songon tikkin na jolo, ugamo ni akka bangso batak najolo, sian barita na di haruahon ni pamaretta marhite hita punguan BPS (Badan Pusat Statistik), nion ma Ugamo dohot persentase na molo di huta Parapat

Agama di Parapat (Taon 2021)
Agama	Persen
Kristen Protestan	66,27%
Islam	20,08%
Kristen Katolik	13,26%
Hindu	0,01%
Buddha	0,38%
Konghucu	0,00%
Kepercayaan terhadap Tuhan YME	0,00%

Gombar

• 
  Pante Bebas Parapat
• 
  Tao Toba diida sain pinggir ni Parapat
• 
  Huta Parapat di ida sian atas
• 
  Gareja HKBP di Parapat
• 
  Pante Bebas Parapat
• 
  Kapal di Tao Toba, Parapat

Pranala Ruar

• BPS.go.id Kecamatan Girsang Sipangan Bolon Dalam Angka 2024 (Diiada: 26 November 2024 - 08.48 Wib)