Batu Gantung

Wisata Batu Gantung di Topi ni Tao Toba, di Parapat

Wisata Batu Gantung manang jotjot didok holan Batu Gantung ima sada inganan na adong di di topi ni Tao Toba di Huta Parapat, Kabupaten Simalungun, Sumatera Utara, Indonesia.

Turiturian ni Batu Gantung

Molo taringot tu hahaadongan ni Batu Gantung on, adong do Turiturian na tongam na dihaporseai mulai sian na jolo sahat tu sonari on, tar lumobi ma angka jolma na tading di luat jolok ni Batu Gantu on. Molo di ida do sian rupa ni batu i, adong do tudos tu bohi ni sada anak boru dohot sada biang di lambung na, inna turiturian ma taringot hon tu Batu Gantung on, Ia na jolo adong ma sada anak boru na di patoho toho bapak na tu anak ni namboru na, ima apala pariban na asa gabe dongan saripe na, dongan sajabu na, di dok turiturian i, oto do anak ni namboru na i, alai anak ni namora di patoho toho ma ibana, jala na jolo songon na sada na ingkon di ulahon do molo mangoli tu anak ni namboru na, di dok bapak ni si boru boru ima tu boru na, "Ho ingkon muli tu anak ni namboru mi, on pareta!"

Alani nunga di dok bapa na songoni, hape so adong holong ni rahana tu anak ni namboru na, gabe sip ma si boru i, alani biar na lao mangalo paretta na sian bapa na i. Disada tingki, sadari nai aneng di ari pesta pamasua masuan na dohot anak ni namboru na, lari ma si boru i sian jabu na dohot biang na (panangga na) sampe sahat ma ibana tu topi ni Tao Toba, mangkatai ma ibana tu dirina sandiri, ninna ma: "Na tumagon ma au mate manikkot dari pada muni au tu anak ni namboru ki" dungi mangaluppat ma ibana tu Tao Toba laos dohot ma biang na i mangihuton ibana, alai sakkut ma obut na tu sada hau, jala dohot do biang na i sakkut, (Molo di turiturian na asing mandok, sakkut ma pat na di hapit batu, jala manggora ma bana, Parapat batu... ima umbahen gabe adong goar ni huta Parapat), nanget naget gabe batu ma dangin ni si borua i dohot danging ni biang na i, ima turiturian na adong di angka jolma na di haporseai dope sahat ro disadari on.

Hahaadongan ni Batu Gantung pandok ni Siboto Surat

Nang pe sahatu tu nuaeng godang angka jolma na porsea tu turiturian na adong i, alai molo sian angka Siboto surat mandok, molo hahaadongan ni Batu Gantung i, ima alani adong do aktivitas na masa dung mapulta Dolok Toba na uju i, di anggar anggar hahaadongan na i ima ala adong Lava Andesit na sumaling kental na, alani adong ari (cuacca) na toppu toppu marganti, gabe tor marpir ma lava i, ima di anggar anggar na umbahen gabe adong Batu Gantung i.

Inganan ni Batu Gantung

Batu Gantung di Topi ni Tao Toba

Tu angka jolma aneng ro marwisata tu Batu Gantung on, boi ma mar kapal sian Bontean Ajibata hira hira 10 manang 20 menit sian Bontean i sahat ma hita tu inganan ni Batu Gantung on, molo sian Kota Medan, hurang lobi mar 5 jom ma pardalan asa sahat tu inganan on. Songon na dipabotohon pamarenta, Batu Gantung on nunga be dibahen gabe sada sada inganan na lao inganan marwisata.