Tambak Raja Silahisabungan

Tambak Raja Silahisabungan ima sada inganan na adong di Huta Maras, Desa Silalahi III, Kecamatan Silahisabungan, Kabupaten Dairi.

Tambak on nungga be gabe sada sada bohi ni huta Kecamatan Silahisabungan, jala gabe sada inganan laho marwisata di Kabupaten Dairi, Tambak on ima inganan ni akka saring-saring ni anak ni Raja Silahisabungan, adong dua sarita na taringot tu Tambak on, adong maddok nungga di bagasan ualu sa pomparan ni Raja Silahisabungan, adong muse sarita maddok holan pitu dope saring saring ni na sian anak na na adong.

Sarita taringot tu Mambahen Tambak

Taringot tu mabbaen Tambak on, ima tambak na adong di Huta Silalahi III on, sanga do so marpiga piga hali saleleng dibaen parjolo Tambak on, sahat tu na aneng sae. dibahen ma i parjolo sahali di taon 1969 nai sanga ma so jala ulakhon ma di patorus di taon 1971, di uduti ma muse di taon 1980 dohot 1981.^[1]

Pesta na Parjolo

Pesta na parjolo manang idok ma di bahasa Indonesia Peresmian, di ulahon ma i dung sae ganung akka na hombar tu Tambak i, ima na di taon 1981, jala on ma gabe pesta na parjolo taringot tu Tamba Raja Silahisabungan on, di pesta naparjolo, di baen ma pesta i leleng na lima ari, ima tanggal 22 sahat tu 27 dibulan sabolan taon 1981, manguduti ma muse di taon 1982 songoni ma satorus na sahat tu nuaeng.^[2]

Pesta di tikkin Covid-19

Hahaadong ni namasa di portibi on, ima sada sahit na adong di suluhut portibion, sahit na dibaen goar na Covid 19 datung gabe sipangambati di haroro ni pesta tambak on, di taon 2020 di bulan sabolas na, tong tong do di ulahon pesta Tambak on mahite hite partangiangan na mangihutton akka aturan ni pamaretta na marlakku di tikki Covid i, dang adong taputus nanggo sahali pe dibagas sataon pamestaan ni Tambak on. ^[3]

Sarita taringot tu Pinompar Ni Raja Silahisabungan

Adong piga piga Sarita taringot tu Pinompar ni Raja Silahisabungan, nion ma sarita na jotjot tarbege di akka bangso batak taringot tu pomparan ni Raja Silahisabungan :

Sada bapa, dua ina, 8 anak, 1 boru. Manang 1281
Sada bapa, tolu ina, 9 anak, sada boru. Manang 1391
Sada bapa, tolu ina, 2 anak. Sian akka. Manang 1321

sian piga piga sarita na tarbege, molo di akka parhuta Silalahi na adong di Kabupaten Dairi, godang ma nasida na makkaporseai si 1281, diakka jolma na maddok nasida pomparan ni Raja Silahisabungan na sian huta Sibisa, jotjot ma nasida porsea tu 1391 songoni muse akka deba nasida na sian Huta Sibisa, porsea ma nasida muse piga piga halak di 1321.

Pomparan ni Raja Silahisabungan 1281

Akka pomparan ni Raja Silahisabungan na marhuta di Silalahi Nabolak, jotjot ma nasida maddok 1281, ima Sada bapa, dua ina, ualu anak dohot 1 boru, on ma barita taringot tu pomparan na di haporsea i nasida :

1 Bapa : Raja Silahisabungan

2 Inan : Boru Pinggan Matio (Pitu Anakna) dohot Boru Milingiling (Sada Anak Na, ima Si Tambunan)

8 Anak : Sihaloho, Situngkir, Rumasondi, Sidabutar, Sidabariba, Sidebang, Pintubatu, Tambunan

1 Boru : Deang Namora

Pomparan ni Raja Silahisabungan 1391

Akka parhuta luat Sibisa, Porsea ma nasida di 1391, jala songonon ma taringot tu pomparan ni Raja Silahisabungan na di haporsea i nasida

1 Bapa : Raja Silahisabungan

3 Ina : ^{[Butuh rujukan 1]}

Dua Rekor Muri di Pesta Tambak Raja Silahisabungan

Tambak Raja Silahisabungan nunut do di pestahon tiap taon, nasomal ma i di ulahon nasida di bulan sabolas, jala somal ma i di ulahon akka pomparan na leleng na tolu ari, Marganti soring do pinompar ni Raja Silahisabungan na gabe bolahan amak di tikki mangulahon ulaon taonan na dipatupa nasida.^[4]

Di taon 2017, di tikki Bolahan Amak Anak na na paduahon (versi ni 1281), ima Situngkir, di lehon MURI (Museum Republik Indonesia) ma tunasida dua Rekor di pesta taon 2017 i, adong pe Rekor MURI i, ima :

Rekor MURI Pesta Tambak naun leleng di patupa marnunut saleleng 37 hali (37 Taon)
Rekor MURI Mangallang Debban naunggodang di patuda, godang ni namanggal Demban, ima 6.137 halak^[5]

Akka Gombar Taringot tu Pesta Tambak

Mangulosi di Pesta Tambak Raja Silahisabungan - Taon 2022
Manortor Sawan di Pesta Tambak Raja Silahisabungan - Taon 2022
Akka ina Manortor di Pesta Tambak Raja Silahisabungan - Taon 2022
Akka parsikkola Mar Ulos Gobar di Pesta Tambak Raja Silahisabungan Taon 2022
Panggung ni Pesta di Taon 2020

Pranala ruar

Pustaha

Hasalahan pangenetan: <ref> tags exist for a group named "Butuh rujukan", but no corresponding <references group="Butuh rujukan"/> tag was found

[1] ttps://infodairi.id/pesta-tugu-silahisabungan-bakal-berlangsung-3-hari-panitia-targetkan-10-000-pengunjung/

[2] ttps://infodairi.id/pesta-tugu-silahisabungan-bakal-berlangsung-3-hari-panitia-targetkan-10-000-pengunjung/

[3] ttps://infodairi.id/pesta-tugu-silahisabungan-bakal-berlangsung-3-hari-panitia-targetkan-10-000-pengunjung/

[5] ttps://dairinews.co/2017/11/26/partangiangan-pomparan-raja-silahisabungan-raih-2-rekor-muri/

[6] ttps://dairinews.co/2017/11/26/partangiangan-pomparan-raja-silahisabungan-raih-2-rekor-muri/

[1]

[2]

[3]

[Butuh rujukan 1]

[4]

[5]