Tipang, Baktiraja, Humbang Hasundutan
| Tipang | |
|---|---|
| Huta | |
| Nagara |  Indonesia |
| Propinsi | Sumatera Utara |
| Kabupaten | Humbang Hasundutan |
| Kecamatan | Baktiraja |
| Kodepos | 22457 |
| Bidang | - |
| Bilangan ni jolma | - |
| Kapadatan | - |
Tipang, manang jotjot dijou Tipang, ima sada huta na maringanan di Kecamatan Baktiraja, Kabupaten Humbang Hasundutan, Sumatra Utara, Indonesia.
Tarbarita do huta Tipang on huta ni Raja Sumba Napaduahon, na mangalap Boru ni Raja Lontung namargoar Siboru Amak Pandan Nauli.
Sian parsaripeon nasida, sorang ma dua anak.
Arti ni Tipang
Dang adong naumbotosa aha artini goar Tipang, manang alani aha umbahen digoari hutai gabe Tipang. Alai adong turi-turian ni piga-piga halak natua-tua na adong di Tipang mandok, mula ni goar Tipang dibuat sian goar ni sahalak baoa na mangaribakhon mandera ni Bolanda di jonokhon ni dolok Namartua Guminjang. Ulak ni i, sai digoari halak Bolanda i ma huta i Tipang.
Andorang so gabe Tipang, goar ni Ompu i Siboru Amak Pandan Nauli do dibahen goar ni huta i. Ido umbahen sahat tu sadari on, tong dope dipangke nadeba pangisi ni huta i goar Siboru Amak Pandan Nauli.
Anak siahaan digoari Simamora, dung magodang jala marpinompar, digoari ma Toga Simamora.
Anak sianggian digoari Sihombing, dung magodang jala marpinompar, digoari ma Toga Sihombing.
Marga Tipang
Dung marpinompari ma Ompui, Toga Simamora dohot Toga Sihombing, tubu ma tolu pinompar ni Toga Simamora, ima:
- Purba
- Manalu
- Debata Raja
Jala pinompar ni Toga Sihombing adong opat, ima:
- Silaban (Borsak Junjungan)
- Lumbantoruan (Borsak Sirumonggur)
- Nababan (Borsak Mangatasi)
- Hutasoit (Borsak Bimbingan)
Laos napitu marga i ma na gabe BIUS di luat Tipang, digoari mai Raja Napitu.