Dolok Pusuk Buhit

Dolok Pusuk Buhit ima sada dolok na adong di Kabupaten Samosir, Provinsi Sumatera Utara, Indonesia. Dolok on dohot ma dibagasan ni dua Kecamatan, Ima Kecamatan Sianjur mula mula dohot Kecamatan Pangururan, di anggar anggar dolok nungga adong 54.500 taon anung salpu, ima di tingki parpultak ni Dolok Toba na jolo.^[1]

Inganan Jolma Parjolo di Portibi on

Di Bangso Batak, tung massai balga do impola ni haroro ni Dolok on, sian sarita na adong di Bangso Batak maddok molo jolma parjolo na adong di Portibi on adong di luat ni Dolok on, ima Si Raja Batak on do umbahen tung massai arga do di akka Bangso Batak molo taringot tu Dolok Pusuk Buhit on, jala di haporseahon nasida do molo Dolok Pusuk Buhit on, ima na gabe dalan laho padomuhon Banu Ginjang tu Banu Tongan, suang songoni nang tu Banua Toru.^[2]

Dolok Marapi na Aktip

Dolok Pusuk Buhit on dibahen ma tu bagasan ni akka punguan ni dolok marapi na aktip tipe B, ima na di totuhon pamaretta marhite hite Kementrian ESDM, nungga tung leleng do dolok on dang be mapultak, hira hira 1.400 taon naung salpu, alai sahat tu nuaeng aktip dope dolok on, jala di haruaron bana do aek na milas.^[3]

Godang Inganan Lao Marwisata

Alani tung massai sangap do Buhit on di halak batak, umbahen inganan on gabe sada sada inganan na godang gabe inganan na aneng di ida jolma, godang do akka halak batak na tading di tano pangererahan ro tu inganan on, adong ma na aneng mar wisata, alai godang ma muse na ro aneng manjalo tangiang. Sada muse na mabbahen godang jolma tu luat on, ima ala jolok do muse tu Tao Toba, adong do sada inganan di dolok i na bagak laho mangida tao toba. On ma piga piga na adong di Dolok Pusuk Buhit na somal dibahen gabe inganan laho marwisata, ima :^[4]

Wisata Aek Rangat
Puncak Simullop
Huta Siboro
Jabu Parsaktian SiRaja Batak
Sampuran Naisogop
Batu Hobon
Parhutaan Siraja Batak Sigullati
Pusat Geopark Kaldera Toba
Batu Sawan
Aek Sipitu Dai

Pussu ni dolok dang adaong tubu Hau

Timbo ni Dolok Pusuk Buhi on, ima 1.982 MPL molo di etong sian laut (Idok di Bahasa Indonesia : Diatas Permukaan Laut (MPL)), alai molo di timbona na sian tano 810 Meter.^[5] Akka jolma naro marwisata tu Dolok Pusuk Buhit on, somal na sahat do nasida tu pussu ni Dolok on, alai molo sahat di pussu na, dang adong pola piga hau na tubu di si, halan saotik do inganan na boi lao marlinggom sian las ni ari.