Rura Bangkara
Rura Bangkara (Surat Batak: ᯒᯮᯒᯅᯰᯂᯒ) i ma sada rura na adong di topi ni Tao Toba, maringanan ma i di huta Siunong Unong Julu, Kecamtan Bakti Raja, Kabupaten Humbang Hasundutan, Propinsi Sumatera Utara, Indonesia.[1]
Sarita Sejarah ni Rura Bangkara
[patota | patota mualna]Rura Bangkara ima inganan hatutubu ni Raja Sisingamangaraja na parjolo sahat tu Raja Sisingamangajara XII, songon na di baritahon Raja Sisingamangajara XII ima sada pahlawan ni Bangso Indonesia na sian Bangso Batak, adong do didapot di Rura Bangkara on angka batu na sian Parpultak ni Dolok Toba na hinan, ima na di anggar anggar hira hira mar 74.000 taon naung salpu, jala di dok do Rura Bangkara on gane Geopark Kaldera Toba na gelleng manang na metmet Adong do muse di Luat Rura Bangkara on par hutaan jala adong do sada Markas ni bokkas Harajaon ni Raja Sisingamangaraja XII dison.[2]
Inganan dohot Balgani Sigararon
[patota | patota mualna]Molo ro hita sian Bandara Silangit, dao ni parjalan ima 50 sahat tu 60 Menit asa sahat tu luat ni Raja Sisingamangajara on, somal na molo manewa motor (Na Opat Ban na) hita sian Bandara Silangit hira hira Mar Rp. 300.000 sahat tu Rp. 450.000 ma bayaran na, molo sian Medan, hira hira mar 5 jom sahat tu 6 jom ma dao ni pardalanan ta manan hira hira mar 222 Kilometer ma dao na, angka na aneng marborngin di luat Rura Bangkara on, godang do boi dapot ta angka inganan lao marborgin, songon Homestay manang angka penginapan ne gelleng sahat tu Hotel na balga, ta pasosok ma tu parhepengen ta. Molo aneng masek tu Rura Bangkara,somal na mabbayar / manggarar ma hita Rp. 7.000 sahal jolma, dohot Rp. 5.000 hepeng parkir ni kareta (Na dua Ban na) ta.[3]
Inganan Marwisata
[patota | patota mualna]
Songon naung taboto, Rura Bangkara on, ima inganan ni hatutu bi Raja Sisingamangaraja, di dok, nunga hea adong 12 Raja na marhuaso di Rura Bangkara on. Molo aneng marwisata tu luat Bangkara on, adong do piga piga inganan na somal dibahen gabe inganan laho margombar, songon di Pinggir Ni Tao Toba, manan ro tu Inangan ni Bokkas Ni Raja Sisingamangaraja, adong muse do di Luat on sada Sampuran na somal di ida angka wisatawan, ima Sampuran Janji, Sipultak Hoda.[4]
Adong muse do Sunge di inganan on ima dua sunge na mambola huta di Rura Bangkara on, ima Sunge Aek Silang dohot Sunge Simangira, jala jotjot do muse sunge on dibahen gabe inganan laho margombar gombar.[5]
Pranala Ruar
[patota | patota mualna]Pustaha
[patota | patota mualna]- ↑ Website Resmi PemKab Humbahas. Lembah Bangkara. (Diida: 11 November 2024)
- ↑ TimeNews (12 Juni 2023). Lembah Bangkara: Keajaiban Alam dan Kisah Sejarah Tempat Kelahiran Pahlawan Nasional Sumatera Utara. (Diida: 11 November 2024)
- ↑ BoluMenara (03 September 2024). Berkunjung Ke Lembah Bangkara, Destinasi Wisata Sumatera Utara yang Mirip Eropa. (Diida: 11 November 2024)
- ↑ TribunNewsMedan (16 Juni 2023). Lembah Bangkara, Tempat Wisata di Sumut dengan Latar Danau Toba dan Perkampungan Bangkara. (Diida: 11 November 2024)
- ↑ GoodNewsFromIndonesia.id. Lembah Bangkara Alternatif Wisata Sumatera Utara Selain Danau Toba (Diida: 15 November 2024 - 22.25 Wib)