Sunge Batang Gadis

Sunge Batang Gadis, Mandailing Natal

Sunge Batang Gadis ima sunge utama na umganjang dohot na umbalga di Mandailing Natal. Gariada batang aek on mabaor ra di sandok Kabupaten Mandailing Natal. Mulai sian julu di Ulu Pakantan Muara Sipongi, mamolus piga-piga kecamatan jala marujung tu Kecamatan Muara Batang Gadis. Sunge on mabaor ma sian inganan parmianan, hauma, sawah, tambang pasir, taman wisata dohot bendungan. Asing ni dipangke laho manahan arus, bendungan sunge on pe dipangke do tu tujuan irigasi. Sunge Batang Gadis termasuk do gabe luat na adong di Porlak Nasional Batang Gadis. Sunge on ndang holan dalan aek na mabaor; ima sada turpukna so tarsirang sian ngolu dohot budaya ni halak Mandailing. Ganjangna, na mamolus marragam huta dohot kecamatan, mambahen sunge on gabe pusat ekonomi, sosial dohot lingkungan na mansai ringkot. Molo didok di hata Mandailing, Batang martudutudu tu arti ni ‘badan’ ni sada batang aek na godang. Ala ni i, asing ni Batang Gadis, angka sunge na balga na asing di luat on pe mamangke hata ‘batang’, isarana: Batang Natal, Batang Parlampungan, Batang Angkola, dohot Batang Batahan. Godang do ulaon masyarakat dipatupa di Sunge Batang Gadis on, isarana maridi, manuci, jala godang do mamangke bahan beracun isara deterjen, sampo, pemutih baju (klorin), dohot mambalokon sampah na metmet dohot na balga. Pertambangan emas langsung mambalokkon limbahna tu sunge songon miak dohot sedimen hasil penggalian tano jala mambahen kualitas aek di sunge Batang Gadis lam moru. Kualitas aek na moru boi do manegai ngolu ni biota na adong di sunge i

Turi-turian

Dolok Kulabu Sumatera

Torsa naparjolo mandok, batang aek on marmula sian Dolok Kulabu di luat adat Mandailing Julu, papunguhon aek sian Batang Pungkut dohot Aek Mais, mamolus sian Kotanopan, Tambangan, jala sahat tu Panyabungan, sada huta na ribur di luat adat Mandailing Godang. Batang Gadis marsuo dohot Batang Angkola di Kecamatan Siabu, mamolus harangan na golap sahat ma i ujungna tu pante pastina Sumatera. Sian pusuk-pusuk ni Bukit Barisan, Batang Gadis annon tarida mangulok-ulok jeges. Belok antar dolok-dolok, tigor mamolus rura harangan dohot dolok. Haulion ni rute i di umpamahon songon boru-boru na manortor, jadi binanga na umganjang di luat Mandailing on digoari ma Batang Gadis. Torsa na paduahon on, erat do pardomuanna tu sosio-turian ni angka jolma na mangingani topi ni lautna. Jolma do parsaoran ni halak Mandailing dohot sunge. Asing ni parmukiman na jotjot marbaris saluran sungai, hadirion ni sumber aek tu hangoluan do asalna. Alani parbalian do, halak Mandailing manghaporluhon batang aek gabe sumber irigasi tu sawah dohot budidaya. Songon pusat penyebaran ugamo Islam, sunge ima mual aek tu pamurnian (thoharoh), jadi akka masjid jotjot do dipajongjong di jonok ni sunge on.

Topi ni sunge on, ganup do dipakke halak gabe inganan laho mangulahon ulahon siganup ari, manucci dohot paiashon na umumna diulahon angka ina dohot borua. Alana sunge on mangalaosi bahat parjabuan mulai sian Mandailing Julu sahat tu Mandailing Godang, sahat tu huta-huta ni masyarakat Pesisir na di pasisir, aek on mansai tangkas do ditanda sude halak Mandailing. Ganup ari di ganup huta na dibolus aek godang on (aek/batang aek na balga) godang do angka anak boru manucci, mangalap aek, manang paiashon sipanganon laho lompaon. Sian i ma, mangihuthon versi ni turiturian on, tubu ma goar ni sunge on gabe Batang Gadis.

Molo sian turi-turian, Sungai Batang Gadis pe gabe saksi do pardalanan na ganjang ni paradaban Mandailing. Sian najolo, sunge on gabe dalan transportasi na utama, na manghubunghon angka huta di pardalananna. Sasintongna, akka bogas ni penjajahan Bolanda pe boi do dapot di humaliang ni luat sungai on, na patuduhon peran strategisna di tingki na salpu.

Parlabaan tu Ekonomi dohot Sosial

Songon mual ni hangoluan, Sungai Batang Gadis marperan penting laho mendukung ekonomi ni masyarakat na humaliang. Godang do warga na margantung tu sunge on tu ragam ni haporluan, mulai sian irigasi tu balian sahat tu panjalaan di dengke. Sunge on pe gabe inganan paridian, panucian dohot inganan parmeaman ni akka dakdanak. Asing ni i, uli dohot uli ni sunge on pe balga do potensina laho dipaherbang gabe tujuan wisata. Marragam ulaon songon arung jeram, manjala dengke, manang holan menikmati haulion alam di topi ni sunge boi do gabe daya tarik ni wisatawan lokal dohot asing.

Songon godang ni sunge na asing di Indonesia, Sunge Batang Gadis pe ndang malua sian ondaman hasegaon. Penabaan hau ilegal, ulaon pertambangan emas dohot mambalokon sampah ima deba masalah utama na mengancam keberlanjutan ni ekosistem sunge on. Ondaman hasegaon on marpanghorhon do tu keberlanjutan dohot haulion ni sunge i. Mangihuthon penelitian taon 2019, pencemaran berupa pestisida do na dapot di aek ni sunge on. Di penelitian i, residu pestisida na dapot di aek, endapan tano dohot dengke sian kelompok organofosfat na dideteksi ima diazinon, malation dohot klorfirifos, molo sian kelompok organoklorin aldrin, dieldrin dohot endosulfan. Asing ni sisa ni pestisida, dapot do muse sisa ni pupuk, i ma fosfat, amonia, nitrat, nitrit dohot sulfida. Sisa pestisida di Sungai Batang Gadis holan dapot di titik-titik na dapot di balian di topi ni sunge i. Tingkat ni sisa pestisida dohot sisa pupuk na dapot ndang apala timbo dope. Konsentrasi sisa pestisida organofosfat na umbalga dapot di tano, dung i dekke jala parpudi aek, tagan ni sisa organoklorin na umbalga di dekke, aek dung i tano. Pamarenta setempat rap dohot masyarakat dohot angka lembaga lingkungan na marragam nunga mambahen ragam usaha dohot ulaon laho mangaramoti sunge on. Sada langka na ringkot ima pagandahon kesadaran ni masyarakat taringot tu ringkot ni manjaga sunge asa tongtong ias jala berkelanjutan. Program penghijauan di sekitar DAS pe torus do disosohon laho manjaga keseimbangan ekosistem

Aliran ni Batang Aek (DAS)

• Sedimentasi

Kondisi sedimentasi di sunge on godangan gabbo

• Kondisi Geologis

Batuan Sunge

DAS ni sunge on umumna tarbentuk tingon batuan vulkanik pusat Maninjau na so tarida imbar na, tarlobi marmula tingon lapisan batuan vulkanik dohot ndada patuduhon bogas pusat vulkanik. Di luat hilir, godangan do i tarbentuk sian batuan endapan dohot meta-endapan songon aluvium, na tardiri sian pasir, kerikil dohot gabbo. Asing ni i, adong do muse lapisan Paleozoikum dohot Mesozoikum na so marbeda na masuk tu kelompok Woyla jala on ro sian meta dolok api hornfel, batu sabak, dohot saotik batu kapur. Batuan vulkanik na asing ima pembentukan sorik pusat Merapi na marasal tingon lahar andesit dohot breksi vulkanik. Sude luat di Mandailing, termasuk DAS sungai on, dikategorihon gabe luat rawan bencana, di dia luat on adong di luat vulkanik na aktif jala bagian ni Zona Sesar Sumatera Raya manang na ditanda songon Batang Gadis-Batang Angkola-Batang Toru

• Hidologi

DAS Batang Gadis ima sada kelompok DAS di pante pastina Sumatera na aliran utama DAS i mabaor tu pante pastina Sumatera sahat marmusu tu aek Samudera Pasifik. Asing sian i, tu habinsaran, bagian hulu ni DAS Batang Gadis di saganjang rungrung ni dolok Bukit Barisan marbatas tu kelompok DAS Pantai Purba Sumatera, i ma DAS Barumun Bila dohot DAS Rokan. Di sabola utara marbatas tu DAS Batang Toru. Di dangsina, parbalohan julu ima DAS Pasaman, DAS Batahan dohot DAS Natal. Dung i marbatas DAS Tabuyung tu barat dohot tu bariba. DAS Batang Toru, DAS Pasaman, DAS Batahan, DAS Natal dohot DAS Tabuyung pe masuk do tu kelompok DAS Pantai Barat Sumatera. Di pengelolaan DAS sunge, DAS Batang Gadis bongot do tu wilayah kerja BPDAS Asahan-Barumun na gabe unit pelaksana teknis di Direktorat Jenderal PDASHL di toru ni Kementerian Lingkungan Hidup dan Kehutanan. Tagan na i, mardomu tu pengelolaan sumber daya ni aek, DAS Batang Gadis bagian sian unit cekungan sungai Batang Angkola - Batang Gadis rap dohot 4 DAS na asing di bagasanna.

Potensi Pariwisata

• Ekowisata

Konsep ekowisata boi do dipatupa tu Sungai Batang Gadis on, marhite na mengutamakan pelestarian alam. Boi do diundang angka tamu laho manjalahi hinauli ni sunge i marhite kapal tradisional, mangida angka suansuanan dohot akka dorbia di inganan i, manang marsiajar taringot ekosistem ni sunge i sian pemandu na marpangalaman.

• Wisata Budaya

Asing ni menikmati haulion ni alam, wisatawan pe boi do dipatandahon tu hamoraon ni budaya di Mandailing. Di topi ni batang aek i, boi do dipajongjong pusat budaya manang desa wisata na pamerhon tortor, musik Gordang Sambilan, songoni dohot indahan khas songon anyang dohot bulung ubi tumbuk.

• Olahraga Aek

Tu wisatawan na lomo rohana tu tantangan, Sungai Batang Gadis pe boi do gabe inganan ni ulaon olahraga aek songon arung jeram aek na bontar dohot kayak. Pigapiga bagian ni sunge i na hatop arus na mambahen gabe tamba pengalaman.

• Fotografi Alam dohot Dokumentasi

Haulion Sungai Batang Gadis na so tercemar cocok dibahen laho ulaon fotografi. Pemandangan na dramatis, kabut manogot di ginjang ni sunge i, dohot akka dorbia di humaliang ni luat on, gabe daya tarik khusus tu angka fotografer dohot pembuat film dokumenter.