Tugu Toga Sinaga

Ini adalah tugu toga sinaga

Tugu Toga Sinaga i ma sada batu na pir (Tabbak) na mangarihon sarita turian Sinaga na maringanan i Desa Parsaoran Urat II, Kecamatan Palipi, Kabupaten Samosir, Sumatera Utara.  Maringanan i topi ni Tao Toba, tugu on gabe tanda parsadaan ni sude ruas ni Marga Sinaga, muse tugu on gabe objek wisata i luat Tao Toba.

Turi-turian Tugu Sinaga Urat

Paulihon Tugu Toga Sinaga on mamolusi parkaro na ganjang huhut parisahon piga-piga hagogoan luat, ima Desa Gorat, Desa Mogang dohot Desa Sinaga Uruk.  Ujung na dipillit ma Desa Urat 2 alana pinahamat tano haroroan ni marga Sinaga.  Pamiliton on patoguhon turiturian ni tugu, songon parningotan tu angka sundut panguduti marga Sinaga taringot tu urat ni abahan dohot ompu nasida.

Tompa ni Tugu dohot Jabu Bolon

Tugu Toga Sinaga dipajongjong i sada luat muse pataridahon bangunan adat Batak, padohot Jabu Bolon ima sada jabu adat khas Batak na dibahen sian hau.  Jabu adat on ndang hum marguna manjadi bagian tingon daya tarik budaya, alai boi do manjadi simbol hamoraon pangarangrang adat na torus ijaga.

Borna dohot Filsafat

Ini adalah bagian dari jabu bolon

Tugu on martimbo hira-hira 17 meter dohot warna na bontar na dominan dohot saotik mas i suratan "Toga Sinaga".  Toruna dihiasi dohot aksara Batak dohot gombaran tonel na manggombarhon turiturian ni ompu ni marga Sinaga.  Di pusuk ni tugu i, adong do hiasan filosofis na marrumang Galasibot na manggombarhon arga ni parsadaan dohot hasadaon.  Lante keramik na rara dohot pemandangan na ijo di humaliang ni tugu i mambahen lam uli inganan on.

Haroroan Marga Sinaga

Marga Sinaga i ma sada pomparan ni Raja Batak sundut palimahon.  Marojahan tu tarombo na tarsurat di tugu i, Si Raja Batak do ompu ni halak Batak na manubuhon Guru Tateabulan.  Dung i ditubuhon Guru Tateabulan ma Tuan Sariburaja, tubu ma sada anak na margoar Raja Lotung.  Sian Raja Lotung on ma tubu Toga Sinaga, ompu ni marga Sinaga.

Tarombo Marga Sinaga

Raja Lotung sandiri adong do 9 anakna, ima pitu halak baoa dohot dua boru: Toga Sinaga, Toga Situmorang, Toga Pandiangan, Toga Nainggolan, Toga Simatupang, Toga Aritonang, Toga Siregar, Siboru Amak Pandan, dohot Siboru Panggabean.  Pinomparna marserak do tu angka ragam ni sub-marga.

Lapatan dohot Tujuan

Tugu Toga Sinaga dipajongjong ndang holan songon tugu sambing.  Molo di marga Sinaga, tugu on ima simbol hasadaon dohot jati diri na torus dijaga. Itor mangadop tu Tao Toba, tugu on manggombarhon arop ni roha asa tongtong marsada sude pomparan ni marga Sinaga, baoa nang borua, manang didia pe nasida.

Objek Wisata

Salah sada sipareakan edang i luat Tao Toba, Tugu Toga Sinaga on manarik roha ni angka wisatawan na naeng mamboto turiturian dohot abahan Batak.  Rasa alam na manghaliangi tompa ni tugu, dohot duhut-duhut na ijo dohot panatapan panorama ni Tao Toba, mambahen inganan on gabe inganan na pas laho marwisata turiturian huhut mamereng haulion portibi.  Nang pe ndang pala rame dope, alai lam tu balgana do daya tarikna rap dohot lam tamba ni kesadaran taringot tu ringkot ni na mangaramoti abahan Batak. Tugu Toga Sinaga ndang holan warisan sejarah, alai dohot do gabe parningotan tu angka sundut na mangihut taringot tu hinaringkot ni manjaga hasadaon, abahan dohot jati diri ni ompu.

Pasilitas dohot bitik

Tu angka tamu na naeng mandapothon Tugu Toga Sinaga, adong do pigapiga pasilitas dohot bitik na unik na adong na manambai kenyamanan dohot daya tarik ni inganan on.  Biaya masuk cukup terjangkau, ima Rp 20.000 per halak manang Rp 50.000 per kelompok.

Akses tu tugu i porlu mardalan hira-hira 200 meter sian harbangan masuk, dohot tambahan naik hira-hira 100 tangga.  Nang pe dalan i mansai maol, alai marlaba do lojamuna marhite pemandangan na mansai uli na paimahon di punsu.  Tugu on maringanan di inganan na lumayan timbo, jadi menawarkan panorama na uli tu Tao Toba na membentang dao jala bidang.  Disaranhon do mamboan topi manang pelindung ulu ala minim do inganan na rindang di inganan on.

Di toru ni tugu i, adong do inganan parkir na balga dohot aula na boi dipangke tu ragam ni ulaon isara ni ulaon parugamoon, maradian manang rap mangan.  Aula on jotjot do dipangke angka punguan na naeng patupahon acara manang holan marnonang andorang so manguduti pardalananna.  Asing ni i, adong do WC umum, nang pe kondisina tong do porlu perawatan na dumenggan asa nyaman tamu.

Tu wisatawan na mangalului pengalaman wisata keindahan budaya, sejarah dohot alam, kunjungan tu Tugu Toga Sinaga ima pilihan na pas.  Pastihon ma asa denggan hamu mangarade asa boi dinikmati hamu pardalanan on sahat tu na gok.